Өлең, жыр, ақындар

Ішкі даусыммен сырласу

  • admin
  • 07.09.2024
  • 0
  • 0
  • 189
Жарылыс. Кеудемде жарылыс,
Жанартау атылды.
Жаныма жар болған Сағыныш,
Деуші едім мен сені ақылды.
Деуші едім болаттай төзімді,
Таулардай байсалды көруші ем.
Мерт еткен мезгілсіз сезімді
Мейірімді періште көрінсең.
Дегенмен білдірмей ішімнен,
Көргім кеп ақымақ қалпыңды.
Жаныңды жаныммен түсінгем,
Алдыңда аттамас ар тұрды.
Осалдық бар екен сенде де,
Мен де аздап шыдамға ие едім.
Дәл осы күйіңді емдеме,
Жанымның күйгенін сүйемін.
Күйігім күйімді білдірсін,
Жасайын жаңа бір ұйғарым.
Жадылап қойған ба, кім білсін,
Жарығым, өзгеге қимадым.



Пікірлер (0)

Пікір қалдырыңыз

Өтеді талай ғасыр

  • 0
  • 0

Төңкерілген көк күмбез, ақ аспаным,
Талпынады сен жаққа сан асқарым,
Көрдім шыңның көкпенен таласқанын,
Сағыныш Намазшамова

Толық

Түс көрдім, маңайымыз желек екен

  • 0
  • 0

Түс көрдім, маңайымыз желек екен,
Бәріміз шадыманбыз.
Ақ көйлегі желбіреп келеді екен,
Сағыныш Намазшамова

Толық

Бақытын іздеп бес күннің

  • 0
  • 0

Бақытын іздеп бес күннің,
Қиялмен қырды кеземін.
Сағынышы болмай ешкімнің,
Сағыныш Намазшамова

Толық

Қарап көріңіз