Өлең, жыр, ақындар

Қадір түні – емес пенде әуресі

  • admin
  • 07.09.2024
  • 0
  • 0
  • 184
Қадір түні – емес пенде әуресі,
Жұмақтың бар есіктерін ашты Алла.
Мұсылманның сансыз тілек-сәулесі,
Жұлдыз болып жамырайды аспанда.
Мейірімнің мекеніне айналар,
Періштеден ине шаншар жер қалмай.
Ғибадаты ғафыл болып байланар,
Келешегін кескіндейді кең маңдай.
Сүйенеді іргеңе кеп іңірі,
Таңға дейін өзгертпейді бір өңін.
Жырдай есіп күнәһарлар күбірі,
Ернім емес, сөйлеп отыр жүрегім.
«Білгенім бар, білмегенім кеш», - дедім,
Күнәлардың кіші-үлкені бар ма еді?
Құлшылық пен ілім етіп қосты емін,
Жат көрмедім жар болар деп жәрдемі.
Оқы, оқы, оқы деген ұлы ұғым,
Пайғамбарға түскен бұйрық Тәңірден.
Қалам қысқан көп пенденің бірімін,
Ақиқатсыз Хақты, Сақты таныр ма ем?!



Пікірлер (0)

Пікір қалдырыңыз

Жылжып барады жылдарым жылдам өтіп

  • 0
  • 0

Жылжып барады жылдарым жылдам өтіп,
Жанарыңнан жүргенде жыр дәметіп.
Жүрегімде жақұт бар, көре алмайсың,
Сағыныш Намазшамова

Толық

Күнделікке сыр айтамын, ақыл ап

  • 0
  • 0

Күнделікке сыр айтамын, ақыл ап,
Жансыз дәптер жан досыңа татымақ.
Ақтармасын.
Сағыныш Намазшамова

Толық

Сен жанымда жүргенде

  • 0
  • 0

Сен жанымда жүргенде
Өмір маған өлшеусіз көрінетін.
Тоқ кезім от сезімге семіретін.
Сағыныш Намазшамова

Толық

Қарап көріңіз