Түс көрдім, маңайымыз желек екен

Түс көрдім, маңайымыз желек екен,
Бәріміз шадыманбыз.
Ақ көйлегі желбіреп келеді екен,
Кешегі налыған қыз…

Жетерміз бір бақыттың бағасына,
Көгерер көсегем бол.
Айналыпты даңғылға, нанасың ба,
Батыс пенен шығыстың арасына
Екеуміз төсеген жол.

Вокзалды да сары аяз тоңдырмайды,
Көктемге тұрады ұқсап.
Мен секілді қия алмай қол бұлғайды,
пойызға шығарып сап.

Болмаса егер жүрегің мұздан, жаным,
Бір хабар айтар едің.
Көріп кетші гүліңнің бүр жарғанын,
Қайта келіп…

---