Сағыныш Намазшамова

Періште емес, пендемін

Бұл бетте «Періште емес, пендемін» атты Сағыныш Намазшамова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
07.09.2024
0
0
666

Періште емес, пендемін,
Өз жігерім сенгенім.
Ай мен Күндей ауысқан,
Жеңілгенім, жеңгенім.
Аң емеспін, адаммын,
Парқын білер бағамның.
Салмақ сала көрмегін,
Жанға батар жарам мың.
Көкте емеспін, жердемін,
Ұмтылмайды өрге кім?!
Айқайлайды алғаным,
Бұғып жатыр бергенім.
Жансыз емес, тірімін,
Ағамын да, інімін.
Тірлік үшін жортқан,
Жолаушының бірімін.
Кінәм да бар, күнәм ше?
Ар-ұятым ұраншы.
Аңдап басып жүрсем де,
Көңіл-көзім кінәмшіл.
Жалғыз емес, көппін мен,
Қамал бұзам екпінмен.
Бар болған соң көсілем,
Жалт қарасаң ... жоқпын мен.

Сағыныш Намазшамова періште емес пендемін Сағыныш Намазшамова өлеңдері

Пікірлер (0)

Пікір қалдырыңыз

Жиі қойылатын сұрақтар