Өлең, жыр, ақындар

Қызығардай болса өмір дерегім

  • admin
  • 07.09.2024
  • 0
  • 0
  • 295
Қызығардай болса өмір дерегім,
Бақ алдында келер бір күн кезегім.
Уақыт деген сапарластың жүгі ауыр,
Бір жағынан көтеріссем деп едім.
Көтерісем, міне менің иығым,
Бетке алармын бетпақ дала қиырын,
(Оралар кім?!) орамалдың шетіне
Ар-ұяттың түйіп алып түйірін.
Уақытпен ұстанғанбыз бір бағыт,
Қатар жүріп, бір әуенді тыңдадық.
Мәре жайлы мәре-сәре сөз қылдық,
Дәл сол жаққа келген дейсің кім барып.
Басып өттік бірде шаһар, бірде ауыл,
Бөркімізді алып кетті бір дауыл.
Құтырынған құйын қайдан ұғынсын,
Тағдыр жүгі кімге жеңіл, кімге ауыр.
Ілескеннің, әрине, асқақ айбыны.
Көлі қоғалы, аққулы ғой айдыны.
Бұлғыр тауға тастап кеткен Тарғындай
Уақыт, жолда қалдырасың қай күні?!



Пікірлер (0)

Пікір қалдырыңыз

Бірге өткізген алты жылым мәрт екен

  • 0
  • 0

Бірге өткізген алты жылым мәрт екен,
Сол жылдардың жанарында жарқ етем.
Сенсіз кешкен қуанышым
Сағыныш Намазшамова

Толық

Томағасы сыпырылды қыранның

  • 0
  • 0

Томағасы сыпырылды қыранның,
Мыңды жеңдім, Кирді жеңдім, Тұмармын.
А, Құдайлап, Абылайлап, тұтқиыл,
Сағыныш Намазшамова

Толық

Даланың данышпаны

  • 0
  • 0

Даланың данышпаны
Көксу, Іле, Құйған мен Қараталың,
Қонысына құт болған сан атаның.
Сағыныш Намазшамова

Толық

Қарап көріңіз