Қымызда да қымыз бар...

Қымызда да қымыз бар,
Қымыз – қуат,
Қымыз – нәр...
Қымыз – сусын шөл басар,
Жанға – шипа,
Шырын, бал!..
Қасиетін,
Атауын,
Білген дұрыс мұның – дәл!..
Дәуірлеген атағы,
Қымыздың көп атауы...
Оны: ашулы, жуас деп,
Жіктеп бөліп жатады.
Тойда – Қымызмұрындық,
Дәстүр, салтты ұғындық:
Мерекесін –
Қымызсыз
Өткізбейді бүгін жұрт...
Қымызда да қымыз бар,
Қымыз – қуат,
Қымыз – нәр...
Қасиетін,
Атауын,
Білген дұрыс мұның – дәл!..

---