Өлең, жыр, ақындар

Айқайлап құттықтаймын, туған жер!

  • admin
  • 19.11.2024
  • 0
  • 0
  • 525
Ай менен Күн төгілткендей нұрдан сел,
Үздік табыс құтты болсын, туған жер!
Алты миллион тонна астық алғанда,
Шыққан екен талай жылғы буған тер.
Барша қазақ қуанады бұған, ел,
Салтанатқа маңдайыңды бұра бер.
Елестейді алты Алаштың тойында
Бәйге өрінде дара келген Құлагер.
Сегіз сері ақ батасын бергендей,
Сәбит, Ғабит алақайлап ергендей.
Мағжан ағам аунап түсер ұйқыдан,
Батыр Баян сүйінші сұрап келгендей.
Құттықтайды Солтүстікті Астана,
Қолпаштайды аймақтарым басқа да.
Орала берсін үйірімен үш тоғыз,
Көп жеңіске болсын құтты бастама.
Құттықтайды Көкшетау мен Қостанай,
Қанаттастар шыдамайды қостамай.
Елбасын да бөледіңдер шаттыққа,
Сенім артса аузынан бір тастамай.
Ыстық шілде шырай бұзып қанша күн,
Қинаса да басты серттен тартпадың.
Құдай беріп, сүмбіледе шөл қанып,
Озық шығып, ел сенімін ақтадың.
Алтын өлке, жеңіс болып жолдасың,
Құт­береке ел сүйсінген орнасын!
Сайыстарда тап осылай жеңе бер,
Абылай ханның аруағы қолдасын!

14.10.2009.
Астана



Пікірлер (0)

Пікір қалдырыңыз

Шөберемді «Бәйтерекке» апардым

  • 0
  • 0

Мен де биыл үлкен ата атандым,
Бірі болдым өркені өскен қатардың.
Жетпіс беске келген шақта бұйырып,
Шөберемнің қолынан су тата алдым.

Толық

Жан сырына бөгет болмас еш жарлық

  • 0
  • 0

Жан сырына бөгет болмас еш жарлық,
Жүз жылғы ойран-топалаңға көз салдық.
Туған елім дербестікке қол созып,
Кәкімбек Салықов

Толық

Тойдың тойы – асыл той

  • 0
  • 0

Сұлтан ағам дәл сексенге келгенде,
Тойдың тойы жетті Құдай бергенге:
Төлегеннің Қыз Жібегі секілді
Жетпіс бесті игеріпті жеңгем де.

Толық

Қарап көріңіз