Өлең, жыр, ақындар

Өмірім менің, көңілім менің

  • admin
  • 19.11.2024
  • 0
  • 0
  • 381
Менде ме, менде, досым,
Құрдастар көп,
Ақынжанды, ақ ниет сырластар көп.
Солар күтіп жүргендей сезінемін
Қашан тағы кезекті жыр бастар деп.
Кімім көп бұл өмірде –
Қанаттас достарым көп,
Ұшар сәтін тұратын қоштағым кеп.
Достарым көп,
Қасым аз болғаннан ба,
Есік қақпай кіретін қостарым көп.
Сыйлап жүрер өзімді,
Әрине, інілер көп.
Дәріс сұрап алдыма жүгінер кеп.
Бастан өткен ғадет қой,
Олар­дағы
Бізді сырттан айтады­ау «ірілер» деп.
«Ірілік» жоқ,
Менде әсте кішілік көп,
Қиналма, інім,
Сыр бүкпе қысылып тек.
Біздің үйдің есігі күнде ашық,
Дидарласып көр­дағы, түсініп кет.
Тың өріс,
Ой орманын аралар кеп,
Еркелейтін алдымда ағалар көп.
Ағалар­ай!
Арыстар!
Барың жақсы,
Өмір нарқын сендерсіз шамалар ма ек?
Аға­іні,
Достарды көпсінбеймін,
Тек жақсылық жанымнан
Өрсін деймін.

1966



Пікірлер (0)

Пікір қалдырыңыз

Ақын Тайжан

  • 0
  • 0

Ақын Тайжан
Ақынның жазылмайтын жарасы көп,
Кейде тау, кейде байтақ даласы боп
Кәкімбек Салықов

Толық

Мақтаналық

  • 0
  • 0

Сөзі ғибрат тараған хатта қалып,
Асыл аз ба әспеттер жаттап алып?
Ілиястай Сәкенді қатар жүріп,
Шын сүйсініп, сыйлауға сәт табалық.

Толық

Мен неге мінезіңді теріс дейін?

  • 0
  • 0

Мен неге мінезіңді теріс дейін?
Боламын не айтсаң да тегіс бейім.
Сипатты сұлусың деп сүйіскенде,
Кәкімбек Салықов

Толық

Қарап көріңіз

Басқа да жазбалар