Мықты екен – Саят Асылбекұлы

Бұл бетте «Мықты екен» атты Саят Асылбекұлы жазған өлеңнің мәтіні толық жарияланған.

Тіл қатпай жатсаң да сөзіме еш мәнсіз,
Тоқтаусыз таңғалам.
Көңілі патшадай недеген кең жансыз!
Маған мұң салмаған…

Мендегі махаббат - үздіксіз шыдамды
Жүйкеге тиетін.
Бойымнан таптың ба бір қылық ұнамды?
Жүрегің сүйетін.

Ай, қайдам… Сенбеймін оған да,
жауабың жоқ маған.
Миллиард аруы қаптаған ғаламда
Мен саған тоқталам.

Тілдесіп. Сырласып. Даусыңды естідім.
Ақ үнің бақытқа бөледі…
Сәттерде жел тыныш, жып-жылы, кешқұрым.
Қайтадан сөйлескім келеді.

С. А.


Пікір қалдырыңыз

Пікірлер (0)

Осы автордың басқа өлеңдері