Аға – Балғаным Өнербай

Аға деген - қыран құсың, қорғаның,
Аға деген - қолпаштайтын қорғаның.
Мәңгі-бақи сені қорғап өтетін,
Аға деген - кереметі ғаламның.

Ағатайым, сән бересің өміріме,
Мына өлеңім жетер ме екен жүрегіңе?
Сендей жаннан үлгі алып, тәрбиеленіп,
Саған қарап бой түзермін, мына мен де.

Ағатайым көмектескен кезде маған,
Елжірейді жүрегім лезде соған.
Құдайыма мың да бір алғыс айтам,
Дәл өзіңдей ғажап аға берген маған.

Басқалардың қайтейін мен ағасын,
Менің ағам асып түсер талайын.
Әр кез сыйлап, құрметтейтін мен сенің
Қарындасың, қарлығашың болайын!