Өлең, жыр, ақындар

Байтақ жерім

Сауыр, Сайхан сауырында
Кіндігімнің байлауы бар.
Тарбағатай бауырында
Бірлігімнің қаймағы бар.
Катоным мен Нарынымда
Қарағайлы аймағым бар.
Самал ескен Самарымда
Жазиралы жайлауым бар.

Арыстарым туып-өскен
Өскеменім жайсаң жерім.
Адал еңбек туын көштен
Қалдырмаған қайсар елім.
Таңғы арай нұрын сепкен
Таулы Үлбім - айбар елім.
Шеманайдың нуын кешкен
Абыздарым - жайдары елім.

Марқа, Күршім сағым тұнған
Мөлдірімен мақтанамын.
Сырлы жандар сағындырған
Алтайыма аттанамын.
Шабыттанып жалын жырдан
Ұланыммен шаттанамын.
Жаратылған алтын нұрдан
Шығысымнан бақ табамын.


Пікірлер (0)

Пікір қалдырыңыз

Жүрші, жаным...

  • 0
  • 0

Жүрші, жаным, қайтайық бір қыдырып,
тұрмайықшы тұсалғандай кідіріп.
Махаббаттың ұлылығы рас болса,
қалмақ емес жүректерде тығылып.

Толық

Рух көші

  • 0
  • 0

Тар жол тайғақ кешті мың,
көшкен сайын есті мұң.
Күншығыстан жалындап,
күнбатыста өшті күн.

Толық

Тағдыр

  • 0
  • 3

Тағдыр, мені қаншама қамшыладың,
жаным шығып кетердей жаншыламын.
Ай-жұлдызбен қоштасып жатам кейде,
көре алмастай ертеңгі таң шуағын.

Толық