Айгүл Қадыр

Сезімнің сырын тыңдатып

Қазақша өлең мәтіні, өлең жолдары және толық нұсқасы.

aiguluzunata
12.08.2025
0
0
476

Сыбырлап қана сөйлейін,
Сезімнің сырын тыңдатып.
Жүрекке үнім жеткенде,
Дегізіп: "Осы шын бақыт!"

Құлпырып сосын жайнайын,
Көркіме көктем жарасып.
Өзіңе ғана қарасын,
Көздегі мөлдір қарашық.

Бұза алмай шырқын көңілдің.
Сіркіреп жауын басталсын.
Біз жайлы осы көктемде,
Жазылсын керім дастан шын.

Қазбауыр бұлтты қалқытып,
Жер бетін жауын аршысын.
Жып-жылы деммен жылытам,
Елемей сәуір тамшысын.

Баса алмай демін ентігіп,
Самал жел есіп туласын.
Махаббат деген осы деп,
Жапырақ біткен шуласын.
Айгүл Қадыр

Махаббат туралы өлең Сезімнің сырын тыңдатып. Айгүл Қадыр өлеңдері. aiguluzunata өлеңдері сезімнің сырын тыңдатып. aiguluzunata өлеңдері сезімнің с

Пікірлер (0)

Пікір қалдырыңыз

Жиі қойылатын сұрақтар