Азаттықты аңсаған

Аңсап өткен ақ арманы бабамның,
Тәуелсіздік -жеңісі бұл даламның.
Жүрегіңді елжіретер бар сыры,
Тіпті сонау бесіктегі балаңның.

Сан ғасырлық күрес өтті алдымнан,
Бүкіл қазақ бірге өтті бар мұңнан.
Бірақ сенің келгеніңде бір шықты,
Қазақ елі емін-еркін заманнан!

Қанша ғасыр азаттықты аңсадық,
Тіліміз бен дінімізді жасадық.
Өлмес ,өшпес -елім-жерім тұрғанда,
Шаңырақты биік ұстап, сақтадық.

Шежіресі қанменен парақталған,
Анасы баласынан жырап қалған.
Орыстың ойран отыр билігінен,
Қаншама қара көзім жылап қалған.

Ел болам десең тәрбиеле ұлыңды,
Тәуелсіз ел белін берік буынды.
Көк аспанға тіккен сонау асқарың,
Биік ұста, биік ұста туыңды!

---