Саған деген сезімімді ұқпадым!

Саған деген сезімімді ұқпадым.
Ұмытам деп,
Ұмыта алмай тоқтадым.
Жоғалтып ап,
Айлап, жылдап жоқтадым.
Сен күткен жылуды да бере алмай
Жалғыздықта, үнсіздікте жоқ қалдым.

Мен өзіңді ойлап жүрмін әлі де.
Мас болып қап,
Махаббаттың дәміне.
Көзім тоймай, келбетіңнің сәніне.
Болмасаң сен қасымда жоқ секілді.
Қараңғыда өмірімнің мәні де.

Білгім келед маған деген ойыңды.
Не себептен арты үтір қойылды?
Бәлкім сөніп жалыны сезіміңнің,
Мәңгілік ол жүрегіңнен жойылды.
Бәлкім қарап жолыма тосудасың.
Уақыт санап, күндерді қосудасың.
Түсіндірем, ұғынғың келсе егер.
Қалғанын асықпай қосылғасын.