Өлең, жыр, ақындар

Күз еді...

  • 07.02.2016
  • 0
  • 0
  • 3994
Күз еді, тұрып едің жар басында,
Аунақшып жатты өзен арнасында.
Жас едім, жалқы едім, жалынды едім,
Қиырдан қолды создым жалғасуға.
Қолымды қайрылмастан кеттің серпіп,
Зырлапты содан бері көп күн өтіп.
Жауыпты талай жаңбыр қара жерге
Ала бұлт төгіп жасын мөлдіретіп.
Даланың секілді жас қызғалдағы,
Кездесті талай-талай қыздар-дағы.
Басқалар сүйсе сүйсін дегендей-ақ
Жас жүрек қызғанбады, қызғанбады.
Өткен күн сыбдырындай жаңғырығып,
Тек қана өзен жатыр жарын ұрып.
Күз еді... жар басында жапа-жалғыз
Сен жоқсың. Ойға батып қалдым тұрып.



Пікірлер (0)

Пікір қалдырыңыз

Табиғатпен туыстық

  • 0
  • 0

Келіп қалдым Баянға дәм-тұз айдап,
Таңертеңнен жүрегім тау-құзда ойнап,
Толқынына шомылып, құмында аунап,
Жасыбайды жатырмын жалғыз жайлап.

Толық

Еске алу

  • 0
  • 0

«Біздің елдің гүлге толған бағы бар,
Гүлдер жайлы бұлбұлдардың әні бар.
Жиын-тойда, мерекеде айтарсың
Осы әнімді азырқанбай қабыл ал!»

Толық

Омар ата

  • 0
  • 0

Қостанайға баратын жол қасында,
Арқанын ақ селеулерінің ортасында —
Жатыр Омар Шипин —
Өлеңнің ақсақалы.

Толық

Қарап көріңіз