Өлең, жыр, ақындар

Ілияс

  • 07.02.2016
  • 0
  • 0
  • 8388
Күйшінің күй тартқанда мұрагері,
Даланың қалған ұйып құба белі.
Жұлдыздай со бір кезде жүйткіп өткен
Қазақтың өлеңінің Құлагері.
Пай, пай, пай, неткен өлең гүрілдеген,
Безілдеп сырлы шектер дірілдеген.
Құздардан құламалы қиқу салып,
Дауысы дауыл болып дүрілдеген.
Өлеңі тербеп өлке құм қиырын,
Қиялы шарпып өткен, шың биігін.
Сапырған Жетісудан сабаз ақын,
Тебіреніп теңіз ойдың тұңғиығын.
Желпініп жаңа ғана жаны күліп,
Өлеңді қара терге малындырып.
Ілияс жетті-ау бүгін ортамызға,
Көп жылдар көзге түспей сағындырып.
Сыр айтып Жетісудың тастарына,
Аңыз ғып Аршалыны дастанына.
Ілияс өзі бүгін қарсы алғандай,
Біздерді Арқарлының асқарында.



Пікірлер (0)

Пікір қалдырыңыз

Левитанның өлімі

  • 0
  • 0

Жасыл теңіз,
Қоңыр самал,
Шағыр бұлт.
Тарғыл аспан.

Толық

Дауыл сұңқары

  • 0
  • 0

(Горький туралы)
Қара бұлттарды жарып,
Қара топандай ағып,
Дүниені шайып бір өткен.

Толық

Волхов гэс-і немесе генералдың

  • 0
  • 0

АҚ ШАШЫ ТУРАЛЫ БАЛЛАДА
Вокзал алаңынан өтіп алды,
ГЭС-ке жау сегіз жүздей метр қалды.
Анталап алдағы бір көпірді алды,

Толық

Қарап көріңіз

Басқа да жазбалар