Жапырақ

Айнытпастан салып едім ағашты,
«Олай емес!» – деп көп бала таласты.
Жапырақтар жайнап тұрса көктемде,
Жердің беті жап-жасыл боп кеткен бе?!
Жапырақты жасыл қылып салғандар
Жаз айында жаздан тәлім алғандар.
Жапырақты сары қылып салғандар
Күз айында орманда көп болғандар.
Қыс айында шырша жасыл болғаны
Балалардың көңілдегі арманы.
Әр мезгілде қандай болса атырап,
Соған қарап түрленеді жапырақ.