Қызғаныш

Бұл бетте «Қызғаныш» атты Ғали Орманов жазған өлеңнің мәтіні толық жарияланған.

Қарауытқан іңірде
Теңіз маңы тым-тырыс.
Тек тоғайлы өңірде
Сыңғырайды жыршы құс.
Теңізде кім болды екен,
Шалынады бір дауыс?
Табысар жер сол ма екен,
Өзгелерден қалтарыс?
Жүр ме жүзіп не жігіт,
Қасында ерке балғын қыз?
Əлде суға шомылып,
Ойнап жүр ме ай, жұлдыз?
Қорығандай өңгеден
Қара теңіз соларды,
Толқып келіп көлденең,
Жағалауды соғады...


Пікір қалдырыңыз

Пікірлер (0)

Осы автордың басқа өлеңдері