Тəжікстан тұлғасы

Бұл бетте «Тəжікстан тұлғасы» атты Ғали Орманов жазған өлеңнің мәтіні толық жарияланған.

Тау мекенді Тəжікстан,
Ортаңа мен келген сайын,
Бұлдыраған көзге алыстан
Келбетіңді сезем дəйім.
Арқа тіреп көк аспанға
Көрінеді таулар небір.
Ұқсап бəрі тұр дастанға,
Жеке-жеке, сеңгір-сеңгір.
Тарихы ұзақ бүкіл елдей
Əрқайсының өлең-жыры.
Осылардың бітіміндей
Ойларыңды сезем ірі!
Алыс емес сендерге мен,
Айнымайтын болдым туыс.
Ашсаң осы кеудеңді кең,
Алам мен де бірге тыныс!


Пікір қалдырыңыз

Пікірлер (0)

Осы автордың басқа өлеңдері