Балалар мерейі

Жанымда Жарас, Жəмилə
Жайластым зəулім үйге мен.
Жандарын əсем жаңа ұя
Секілді қатты билеген.
Биікте бірге шарқ ұрып
Соғады қатар алақан.
Ұяда тұрған талпынып
Секілді бейне балапан.
Алдында таулар жап-жақын
Қолдарын созса жетердей.
Ұмытар емен сол қалпын,
Ұмтылса шырқап кетердей.
Көздерін тіксе əр тұсқа,
Қараймын бағып соларға.
Қағатын, бəлкім, алысқа
Қанатым солар болар ма?
Қызықса мейлі тауларға,
Ойларын неге тосайын!
Қиырға бірге самғауға
Жырымды мен де қосайын.