Янги йер гүлі

Бізге ұландар гүл тартты,
Жүздерінен жыр ескен.
Өздері гүл сияқты
Осы өңірде жаңа өскен.
Мектебі де, бағы да
Жаралғандай бір күнде,
Жабырлап жан-жағыңда
Жастық біткен түр бірге.
Жаны қимас өрендей
Жəне ойлантты кетерде:
Жаңа туған өлеңдей
Жаздым соны дəптерге.
Жыр сықылды Янги йер
(Янги йер – жаңа жұрт, жаңа қоныс мағынасында; өзбектің Мырзашөлге орнаған жаңа қаласын осылай атайды.)
Қалар ұзақ жадымда.
Гүл бейнелі сəбилер
Күлімдесер алдымда.