Тәкәппарсып, асқақтап

Тәкәппарсып, асқақтап,
Қайтіп, байғұс, бас бақпақ –
Талқыдағы тағдырдың
Тәлкегінен қашқақтап.
Ақын, түк те білмейсің –
Дертін көзге ілмейсің.
Сырты бар да, іші – жоқ,
Не жетісіп жүр дейсің?!
Кердің кебін киеді,
Кемсеңдейді иегі.
Сені ғана, оллаһи,
Сүйеді Ол, сүйеді.
Сүйеді жан-тәнімен,
Нұр тайғанша әрінен –
Сүйіп тұрып сүймеген
Болу қиын – бәрінен!
Ол – сүйеді,
Сүйеді...