Сырбай Мәуленов

Ленин қарапайымдылығы

Бұл бетте «Ленин қарапайымдылығы» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.02.2016
0
0
2016

Қарапайым оның жүріс, тұрысы,
Қарапайым ақтарыла күлісі,
Қарапайым алғашында басталып,
Бітеді оның керемет боп ұлы ісі.
Қарапайым үстіндегі киімі,
Кепкасын да қызық кейде киюі.
Қарапайым сөйлеп кетсе бірақ та,
Басқалардан шығар биік иығы.
Қарапайым оның барлық қимылы,
Ол — өмірдің, өмір оның сыйлығы.
Қарапайым айтылса да қалт болмай,
Орындалып жатады оның бұйрығы.
Жұмысшының, матростың, шаруаның,
Тыңдайды ол көкейдегі арманын.
Әңгімемен сезбейді ол көбіне
Кремльге таянып та қалғанын.
Жолықса оған жұрттың бәрі жаңарып,
Шығады одан өміріне нәр алып.
Күннен биік, терең мұхит түбінен —
Қарапайым лениндік даналық.

Cырбай Мәуленов өлеңдері Ленин қарапайымдылығы өлеңі

Пікірлер (0)

Пікір қалдырыңыз

Жиі қойылатын сұрақтар