Домбыра

О, домбыра,
Домбыра!
Құлағыңды
Мың бұра!
Күйді де төк,
Әнді де айт,
Шықсын даусың
Жаңғыра.

Пернелерді басқанда
Безілдесін қос ішегің.
Сұңқарларша аспанға
Самға,
Талма —
Ел үшін!

Көңілді өзің ашқанда,
Қол соғамыз — сезесің.
Сол үшін де дастанға
Кейіпкер боп келесің.

Бабамыздың көзіндей,
Өсиетті сөзіндей.
Қадір тұтып,
Қастерлеп —
Өмір бақи өтерміз.
Мұратқа да
Өзіңменен жетерміз.