Бояулар

Қызыл жалын — алаудай,
Қызыл бояу — жалаудай.

Күзде сары атырап,
Сары алтындай жапырақ.

Көктемдегі жер қандай —
Жасыл бояу дәл сондай.

Қара бояу — көмірдей,
Айсыз түнгі өңірдей.

Көк бояу — көк аспандай,
Сағымданған асқардай.

Ақ бояу бар — ақ таңдай,
Жаңа жауған ақ қардай.

Күлгін бояу — жусандай,
Кете қоймас жусаң жай.

Көмейінде қоңыр саз,
Күзде ұшады қоңыр қаз.

Біліп алсын білмеген —
Сегіз бояу бұл деген.

Тандап-таңдап ала біл,
Жақсы сурет сала біл!