Сырбай Мәуленов

Дауыл сұңқары

Бұл бетте «Дауыл сұңқары» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.02.2016
0
0
1990

(Горький туралы)
Қара бұлттарды жарып,
Қара топандай ағып,
Дүниені шайып бір өткен.
Қап-қара найзалардай,
Қап-қара найзағайлардай
Жүзі дір еткен.
Күнмен бір күйініп,
Күңіренген кекті үні.
Кесек-кесек бұлттарды үйіріп,
Еңсерген екпіні.
Бір биік шығандап,
Бір төмен ағындап,
Қиқу сап ұрандап,
Бұрқ етіп жалындап,
Жұлдыздай аққан
Ойнатып от күшін.
Қанатымен қаққан
Толқынның топшысын.
Дауылды шақырып
Бұлт бойлап тік тұрған,
Жауызды жапырып
Жартасқа бұқтырған
Революция жыр-әні,
Азаттық іңкәрі,
Атой сап жүр әлі
Дауылдың сұңқары.

Cырбай Мәуленов өлеңдері Дауыл сұңқары өлеңі

Пікірлер (0)

Пікір қалдырыңыз

Жиі қойылатын сұрақтар