Есім хан

“Қасым ханның қасқа жолы,
Есім ханның ескі жолы”.
Халық нақылы.

“Еңсегей бойлы ер Есім”,
Деп атаған төресін,
Бағасынан халқының
Көресің оның өресін.
Пайымдап бергі-арғысын,
Тәртіптің түзген жарғысын.
“Есім салған ескі жол”
Елінің алған алғысын.
Бейбіт күнде - Елбасы,
Қиын шақта – қолбасы,
Бастау алған өзінен
Жақсылықтың жол басы.
Әділдік жолын ұстанған,
Дұшпанын көрсе, сұстанған,
Бірегейі хандардың
Артында игі іс қалған.