Жәңгір хан мен Жалаңтөс

және Орбұлақ ойраны

Бірлікке елін ұйытқан
Салқам Жәңгір – ұлық хан.
Орбұлақта ойран ғып,
Қалмақты қалың ұлытқан.
Айнала қаза ор салып,
Осы жерде қарсы алып,
Он есе көп жоңғармен
Соғысты үш күн жан салып.
Келтірмей демін “әу” деуге,
Аттатпады әудемге.
Үшінші күні таң ата
Жалаңтөс жетті жәрдемге.
Тізе қосып қос батыр
Тілектес, көптен дос батыр,
Тегеуріні шыдатпай,
Қалың қалмақ қашты ақыр.
Қиямет кезде шырғалаң,
Отанын жаудан қорғаған,
Жәңгір хан мен Жалаңтөс
Осындай міне, ер бабаң!