Зұлқарнайын

“Осы жұрт Ескендірді біле ме екен?..”
Абай.

Қилы тағдыр кешкен бұл,
Зұлқарнайын Ескендір
Жайлы сырлар шертеді
Әлімсақтан жеткен жыр.
Елді шарлап атағы,
Нелер асуды асады.
Тітіретіп ғаламды
Жер қайысқан жасағы.
Жарты әлемді билеген,
Именуді білмеген,
Патша бопты ол өзін
Қатар қойған Күнменен.
Әлем билеу – арманы
Барын соған арнады.
Бар екенін білместен
“Алмақтың да салмағы”.
Қару күші – сенері,
Соғыс қана өнері.
Тарихи тұлға саналып,
Ұмытылмай келеді.