Сұраншы, Саурық, Саяндар

Сұраншы, Саурық, Саяндар,
Ерлігі жұртқа аяндар
“Мен атайын, сен тұр” – дер
Шетінен кілең нояндар.
Күлігін сайлап асылдан,
Жаратып, таң асырған.
Ел шетіне жау тисе,
Бес қаруын асынған.
Алаштың қорғап елдігін,
Азаттығы мен теңдігін,
Жеткізген бізге солар ғой
Даламның мынау кеңдігін.
Жүзбасы, бірі мыңбасы,
Елімнің бір-бір тұлғасы.
Солардан алар қайнарын
Тәуелсіздіктің жыр басы!