Иманжүсіп Құтпанұлы

«Батыр бір оқтық».
— Халық нақылы.

Алдаспандай жарқылдап,
Шаршы топта озатын.
Атан жілік, нар тұлға,
Өзі балуан, өзі ақын.
Құстың баптап алғырын,
Аттың мінген күлігін.
Көре алмай жау салдығын,
Теліп жаттың бүлігін.
Ер мінезді, бейбақтау
Даланың сал-серісін,
Этаппенен айдатты-ау
Қылмыс санап өр ісін.
...сонда өткізіп көп күнді,
Оралған-ды «жаңарып».
Тау суындай екпінді
Жырын алып тәбәрік.
Жүріп сақшы сапында
Қызыл керуен қорыған,
Жазым болды қапыда,
Қарақшының оғынан.