Жаңа жыл жыры

Аула да аппақ, қыр да аппақ,
Қар жауады сырғақтап.
Жаңа жылды қарсы алдық
Шырша жайлы жыр жаттап.

Қайырмасы:
Ортамызда шыршамыз, шыршамыз,
Бастап бізді Қарша қыз, Қарша қыз,
Ойын ойнап, ән салып,
Би билейміз баршамыз.

Білмей шаршау дегенді,
Айттық тақпақ, өлеңді.
Аяз Ата, бөгелмей,
Ортамызға кел енді.

Қайырмасы.

Көбелек те, гүл де – біз,
Шадыман, шат күйдеміз.
Есейеміз бір жасқа
Жаңа жылмен бірге біз.

Қайырмасы