Жетіқарақшы

Көк жүзіне байланған
Шоқжұлдыз бұл шөміштей.
Атына сай жайлардан
Сыр ұғарсың сен іштей.
Жеткен бізге әріден
Бұл бір аспан аңызы.
Хабардар боп бәрінен,
Білгеннің көп маңызы.
Темірқазық¹ - тұғырдан
Ұрламақ боп боз атты².
Бағзы сонау ғұмырдан
Жеті қарау жаза апты.
Алдай алмай дал қылып,
Момын, адал халықты.
Көк жүзіне мәңгілік
Шегеленіп қалыпты.
«Ұрлық түбі - қорлықты»
Пайымдатып бұл көпке,
Содан жеті ол «мықты»
Жұлдыз болып тұр көкте.

¹˒ ² Жұлдыз аттары