Өлең, жыр, ақындар

Ұмытпаспын, мен сені

  • 07.05.2016
  • 0
  • 0
  • 3542
Жоғалғаным бейне бір табылардай,
Сені іздеймін үмітпен дамыл алмай.
Дамыл алмай құр елес тұтқыны боп,
Кеткен бе, әлде, ойлардан арыла алмай.

Бал татып қалған соң ба кешелерден,
Сағынышым сәт сайын өсе берген.
Елдер өтсе жанымнан алаңдаймын,
Кездесіп қаларма деп көшелерден.

Білмейсің-ау, жанымның торыққанын,
Сағыныштан өткен бұл болыппа мұң?
Жүрсем дағы сол жердің торып маңын,
Жолықпадың, жарқыным, жолықпадың.

Мына менде кеткен бір өші бардай,
Несіне алдай бересің, несіне алдай?
Күндіз-түні сені ойлап жүргеніммен,
Мәңгі ұмытып кеттің-ау есіңе алмай.

Ұмытады, шындық ол, ұмыта алған,
Шақырғанмен қол бұлғап үміт алдан.
Күндіз естен, түн түстен жырақ етпей,
Мен өзіңді мәңгілік ұмыта алман.



Пікірлер (0)

Пікір қалдырыңыз

Ауырмашы

  • 0
  • 1

Ауырмашы, ауырма, ауырмағын,
Емдей алар дейсің бе, тәуір дәрің.
Сүтке тойған мысықтай сырт айналар,
Сәлем берсе елпілдеп, сауыңда кім.

Толық

Өзің бе, әсем...

  • 0
  • 0

Жаның да әсем, жаным-ау, әнің де әсем,
Жырларымның жүресің бәрінде сен.
Дауысың мен өзіңді күтем күнде,
Шын сүймесем егер де сағынбас ем.

Толық

Сезім сергелдеңі

  • 0
  • 0

Мен жүрсем санап жаныңды сенің арай шын,
Сезімді неге сағымға әкеп орайсың.
Қуанту үшін жүрсем де іздеп күн сайын,
Неліктен қабылдамайсың?

Толық

Қарап көріңіз