Өлең, жыр, ақындар

Бәрін саған беремін

  • 08.05.2016
  • 0
  • 0
  • 2741
Көп түндерді өзіңсіз жаным жылап,
Сағыныштан атырдым ағын құрап.
Апта өтсе де арада бар болғаны,
Сағындым-ақ, мен сені, сағындым-ақ.

Мезі еткенде жалғыздық, бірегей күн,
Жырлар жазу үшін көп түрегеймін.
Көп қой мұнда қыздар да, бірақ білсең,
Сенен басқа бақытты тілемеймін.

Болдың талай басымнан сипағандай,
Отырғанда шабыттан күй таралмай.
Көзімді ілмей қарсы алдым таңды мұңда,
Ұрлап сені бұл менен ұйқы алардай.

Сенгенім сен, сүйгенім бұл өмірде,
Арман-үміт, аңсарым, тілегім де.
Тек өзіңе беремін жомарттықпен,
Болса титтей жақсылық жүрегімде.



Пікірлер (0)

Пікір қалдырыңыз

Жүрегіңнен жай тапсам

  • 0
  • 0

Сүйгенім де өзіңсің және алғашқым,
Өзіңменен өмірге қадам бастадым.
Табылса егер бір жігіт саған мендей,
Сендей жанды ешқашан таба алмаспын.

Толық

Сүйе бергін

  • 0
  • 0

Бал татырып таңдайға жиелі ернің,
Сүй жаным, сүйші, сүйші сүйе бергін.
Есім ауып Ләззаттан кетсем егер,
Құлап барып өзіңе сүйенермін.

Толық

Сүймесем сені егер мен

  • 0
  • 0

Тартса да тағдыр, тауқымет талай,қайғы алдан,
Құтылмай қойдым сен жайлы мың-сан ойлардан.
Сусындай алар күн бар ма, жаным, бірге біз,
Бұлақтай мөлдір махаббат атты қайнардан.

Толық

Қарап көріңіз