Өлең, жыр, ақындар

Сен ұқтырдың

  • 08.05.2016
  • 0
  • 0
  • 4812
Мен бүгін ашулымын ашынғасын,
Ойым жоқ сенен өзге басымда шын.
Мейлі, сен не десең де ... Анық бірақ,
Өзіңді құшып-сүймей басылмасым.

Сен маған жасын болдың көктемдегі,
Қақ жарған жүрегіммен от кеудемді.
Бағым ба, қасіретім бе кезіктірген,
Бұрын соң қиялымда жоқ пендені.

Содан соң күйіп-жанып алауладым,
Ұмыттым ай, күн барын, самал барын.
Әйтеуір, алай-дүлей сол сезімнен,
Жаныма бір тыныштық таба алмадым.

Кезім жоқ сені ойламай көзімді ілген,
Сені аңсап елжіредім, егілдім мен.
Ризамын тағдырыма сен арқылы,
Махаббат деген күшті сезіндірген.



Пікірлер (0)

Пікір қалдырыңыз

Қыр асып сырласайық

  • 0
  • 0

Санамда сұлу даусың,есте белгің,
Өзің үшін мен бар ма кешпеген мұң.
Жолыға алмай өзіңмен қан жылаған,
Өз жанымды, айтшы сен, ескерер кім?

Толық

Жазылмаған жырым сенсің

  • 0
  • 0

Иланарсың, иланбассың бұған шын,
Сен мен үшін жазылмаған жыр-әнсің.
Аз дейсің бе, қайғы-азапты мен көрген,
Неге мені күттіруге құмарсың.

Толық

Сенің даусың естілді мені іздеген

  • 0
  • 0

Салмақ тастап салқындау сезімге ерен,
Телефоным тынбайды безілдеген.
Трубканы алып ем ар жағынан,
Сенің даусың естілді мені іздеген.

Толық

Басқа да жазбалар