Өлең, жыр, ақындар

Ана

  • 09.07.2016
  • 0
  • 13
  • 43865
Уайым жеп біз үшін алаңдады,
Болсын дейді өмірде саған бәрі.
Сенде болсын дейді ол бар жақсылық,
Қандай жақсы өмірде анаң бары.

Мейірімі оның ұқсайды таң нұрына,
Ерітетін әлдиі жанды мына.
Күлкісінде шаттық бар сәби көрсең,
Қуан, Адам, анасы барлығына.

Анасы бар сәбидің "ұлым!" дейтін,
Соны ойласа, жанары күлімдейтін.
Отыратын жан ғой ол тәлім айтып,
Бесіктен-ақ соны өзің ұғын дейтін.

Анасы бар сәбидің "қызым!" дейтін,
Бақыты да сонымен үзілмейтін.
Бір кездегі болмысын содан көріп,
Жымиятын, сол үшін көз ілмейтін.

Анаң бары жақсы ғой "балам" дейтін,
Қолда бардың барлығы саған дейтін.
Хабарыңды беріп тұр, қарашығым,
Сені ойласам - көңілім алаң дейтін.

Анаң бары жақсы ғой "ботам" дейтін,
Көз ілсем де, сені ойлап жатам дейтін.
Сен ауырсаң, құлыным, бұл тірліктің
Кермек дәмін алдымен татам дейтін.

Баланы ойлап, тілейтін соның бағын,
Соның бағы шырақ боп жағылғанын
Қалайтұғын ана ғой қашанда да,
Перзент үшін жақсы екен Сенің барың.

Тіршіліктің таратып содан бәрін,
Мына өмірдің сіңірді саған нәрін.
Ол күн сайын сен жайлы мың толғанар,
Сен де ойлай жүр күніге анаң барын.



Пікірлер (13)

Аружан

Өте керемет әрқашан да өлеңді қисынды аяқтауға болатынын атап өтті

Аида

Бұл өлең маған қатты ұнады. Сөздері бір біріне ұйқасып тұр. Керемет! Ақын деген осындай болсын.

Арайлым

Мен бұл өлеңді жаттап алдым.дəл осы өлеңді күні 2 сəуір жарысқа жаттаймын.өзіме сəттілік

нұрила

Өте керемет өлең шумақтары маған қатты ұнады

Жанси

Оте керемет оте асерли, ары карайда осындай каркынмен жалгастыра бериниз саттилик

Сабира

Ана туралы. олен керемет екен

Салия

Әрбір сөзінде үлкен бір мағына жатқан, керемет өлең екен

Ақтілек

Өте кушты екен.❤️

Ақтілек

Өте кушты өлең екен.

Айзада

Ана жайлы кандай олен дер бар анашим маркум болди таска жазатин олен керек еди

Асема

керемет маған қатты ұнады ✨

Әсіл Назгүл

Өте керемет

Сезім

Өте мағыналы,керемет өлең екен!!!
Өте күшті!!!! Маған қатты ұнады!!!!♥️????????

Пікір қалдырыңыз

Ару-сезім

  • 0
  • 0

Сезім жолы ұғынғанға сыналу,
Сыңарының сырын іштей ұға алу.
Махаббатты жалған деді біреуі,
Сол жайлы жыр жазшы деді бір ару.

Толық

Қыз ұзатқан ата-анаға тілек (балаларының тілегі)

  • 0
  • 1

Осылай өмір сыйын ұсынғаны,
Парыз ғой қызды ұядан ұшырмағы.
Мінеки, ата-анамыз балапанын
Ниет қылды ұясынан ұшырғалы.

Толық

Туған жер

  • 0
  • 2

Сенде есейіп, сенде артады ұғымым,
Сенде өткізген балалығым – ұлы күн.
Отан деген не десе егер, сен дер ем,
Кие қонған туған жерім, тұнығым!

Толық

Қарап көріңіз