Өлең, жыр, ақындар

Туған жер

  • 12.04.2017
  • 0
  • 2
  • 13578
(баланың тілегі)

Сенде есейіп, сенде артады ұғымым,
Сенде өткізген балалығым – ұлы күн.
Отан деген не десе егер, сен дер ем,
Кие қонған туған жерім, тұнығым!

Сенде өткізер балалығым – пәк күнім,
Сен сіңірдің бақ күндердің ақ нұрын.
Бақыт деген не десе егер, сен дер ем,
Тұнық мекен, туған елім, шаттығым!

Балалықтың бал дәурені тұнған жер,
Пәк жүректен шаттық болып жырланды ел.
Қуаныштың, құдіреттің барлығы
Сенде жатыр, саған сыяды, туған жер.

Сенен іздеп табам бақтың барлығын,
Сенен жинап алам бақыт таң гүлін.
Сені ұлық тұтам әр кез, қастерлім,
Сенде алаңсыз өтсін дер ем бал күнім.



Пікірлер (2)

Жазира

Қызыма жаттатайын деген едім

Жұлдыз

осы олендердын барлығы куштты

Пікір қалдырыңыз

Ел үшін туған ер ұлы

  • 0
  • 1

Өткеннен бізге ой тартқан,
Көрінер тарих көзге ерек.
Елдігімді талай шайқалтқан,
Дұшпанда кеткен аз ба кек?!

Толық

Құқықтық сана осыдан туындаған

  • 0
  • 0

Азат ел құқығының асқарлары
Белгілі Ата Заңмен басталғаны.
Бұл күнде уақыт салған тарихы бар -
Қоғамда жұрт пікірі қошталғалы.

Толық

Бұл - кешегі жауынгердің ұрпағы

  • 0
  • 3

Бейбіт күнде қымбат боп әр Жеңіс күн,
Ортасында жүрді олар көп істің.
Қарт әкелер - майдангерлер тұлғалы
Солдаттары еді зұлмат соғыстың.

Толық