Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Бақберген Арысланбаев

Бір уыс қар

Бұл бетте «Бір уыс қар» атты Бақберген Арысланбаев жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

arisper92bgkz
19.11.2017
0
0
2075

Маған таныс ұзын көше, ұзын көше,
Ұзындығы ұзарғандай екі есе.
Ақ түске еніпті сұрғылт асфальт,
Көзге түспей жататын күні кеше.

Қолымнан шештім де қолғабымды,
Еске алдым тағы да сол бағымды.
Жап-жалаңаш қолымда бір уыс қар,
Дəлелдемек болдым ба солғанымды..?

Жаурап кетті қолдарым, жаурап кетті,
Жүректен де жылылық аулақ кетті.
Жаным менің бар екен кеудемде əлі,
Жаурағаннан қолдарым лаулап кетті.

Ойлап тұрсам сүйіктім де осындай,
Жақындамай, кеткен едік қосылмай.
Ұлпа қардай қызығумен қарадым,
Ұстай алмай, мауқым қалды басылмай.

Сүйіктімдей қарды да ұстайалман,
Қайтейін сезімімді қыста оянған.
Лаулап тұрған алауға су сепсең де,
Аспан екеш аспан да ыс таянған.

next бір уыс қар arisper92bgkz өлеңдері қар

Пікірлер (0)

Пікір қалдырыңыз

Жиі қойылатын сұрақтар