Өлең, жыр, ақындар

Халқым болып оянып күн кешемін

  • 31.03.2022
  • 0
  • 0
  • 840
Халқым болып оянып күн кешемін,
Тәңіріммен тәңірдей тілдесемін.
Осы бір құдіретті сезімдерді
Ақын болып тумасаң білмес едің.
Қалайша өлең сені қоя аламын,
Дүние қызығына тоя аламын.
Таңыммен таласа атып, бірге шығып,
Қазақтың ұлты болып оянамын.
Ғұмырым солып тынар бүлмен бірге,
Жүрегім жаратылған жырмен бірге.
Қазақтың қасиетті ошағына,
Шуақ шашып тұрамын Күнмен бірге!
Арманым орындалмас күнге асықем,
Өмірге өле жаздап мен ғашық ем.
Осы сөзді оятып Күнім айтты,
Талай-талай күндермен сырласып ем.
Әуелеп әнге айналды жыр дегенім,
Асқар шың Алатаудай түргелемін.
Есігін қақпай тұрып, терезеден,
Күнменен әрбір үйге бірге енемін.



Пікірлер (0)

Пікір қалдырыңыз

Мазасыз өмір – мазаңды алайын деп келдім

  • 0
  • 0

Мазасыз өмір – мазаңды алайын деп келдім,
Көгілдір көгіңе – қанатымды қағайын деп келдім.
Адамзатқа жетерлік кең дүниеден,
Құдай берген орнымды табайын деп келдім.

Толық

Лондон десе...

  • 0
  • 0

Бүгін міне Лондонның таңы атты,
Бозғылт бұлттар бүркеп алған алапты,
Бәлкім осы ұлы Британ ұлы елін
Тәңір бәлкім ақша бұлттан жаратты.

Толық

Біреулер жаннан бетер сүйіп мансап

  • 0
  • 0

Біреулер жаннан бетер сүйіп мансап,
Шырқайды жүрек құрғыр сүйікті ән сап.
Адамның баласы бар тауға құмар,
Өтеді өмірінде биікті аңсап.

Толық

Қарап көріңіз