Сені шақырамын – Диас Мамадбек

Шақырамын келе қойшы құшаққа,
Терезеден қарайықшы жаңа жауған бұршаққа.
Аспан көгі әрқашанда көз тербер,
Кетейікші мінгесіп ап өмірлік бір ұшаққа.

Арман-қиял жетелеймін біраз менде жетегінде,
Қыдырайық табиғатта тау мен тастың етегінде.
Жасыл орман жайқалған тек шыршамен,
Білмеймін ғой жолымыздың қайда апарып кетерін де.

Әрдайым саған қарай көңіл ауып тұрады,
Сұлулығың назарымды сен жақ бетке бұрады.
Құптан уақыттан асқан шақта әрқашан,
Шабыт шауып сөздермен өлең құрады.