Гульмира Килыбаева

Өмір жайлы

Қазақша өлең мәтіні, өлең жолдары және толық нұсқасы.

05.01.2018
0
0
2600

Көз жетті бүгін осыған.
Өмір теңіз ғой тасыған.
Тасыған толқынмен алысып,
Тек қана алысқа асығам.

Шығарып тастаса жағаға
Сен қала бересің далада.
Тіршілік деген бұл айқас қой.
Алысқан надан да,дана да.

Қол созып арманға келеміз.
Нені алып,нені көп береміз.
Ол жағын есептеп жатпаймыз
Күйреп тек қалмасын кемеміз.

Қалады қай жерде дем бітіп.
Тұншығып,ауыздан су кетіп.
Оны да біз ойлап жатпаймыз
Көк теңіз тұрғанда тербетіп.

Жай ғана тербеліп осылай.
Көк теңіз тұра бер тасымай
Тең ұста əлемді,Жаратқан!
Жаманды жақсыдан асырмай.

Өмір жайлы Гульмира Килыбаева өлеңдері

Пікірлер (0)

Пікір қалдырыңыз

Жиі қойылатын сұрақтар