Елбасы монологы

Қасиетті, қара нардай алып та,
Қорған болу басты міндет-халыққа.
Азаттығын аңсап жеткен қазақты,
Алып шығу басты парыз-жарыққа.

Туған елім, түзу ұшсын түтінің,
Қалап тұрам бауырыңның бүтінін.
Егемендік алатынын сезініп,
Ата-бабам айтып кеткен үкімін.

Қайран дала, баға жетпес қазынам,
Сыр ұғамын көлдегі аққу-қазыңнан.
...Қандай ғана бақытты едің, Қазағым,
Маңдайыңа батпан бақыт жазылған!..

Шалқытсын ел шаттық күннің наз-әнін,
Аулақ болсын көңілдерден аза-мұң.
Терезеңіз тең болсыншы басқамен,
Керегесі әуелден кең қазағым.

Шұғыласын төгіп алтын күн маған,
Жігерімді тауларыма шыңдағам.
...Еркін елім, еркеңмін бір мен-дағы
Бесігінде балғын- жырды тыңдаған!..

---