Өлең, жыр, ақындар

Көздер, көздер

  • 20.01.2018
  • 0
  • 0
  • 2683
Көздер, көздер күлімдеген күні бар,
Сол көздердің үнсіз тілін кім ұғар.
Осы көздің құдіретіне кезіксем,
Жол таппаймын басқа жаққа бұрылар.
Көп көздердің бір көз болып арманы,
Көз түбіне өмір ұйып, көл тұнған.
Бұл өмірдің қызығына тойдырып,
Кім бар екен көз кемерін толтырған.
Көздер, көздер кең өмірден аумаған,
Көздер, көздер сұлулықты таңдаған.
Осы көзден таң хабары таралып,
Қуаныштан бір тамшы жас аунаған.
Көздер, көздер кеші батып таңы атқан,
Көздер, көздер бар сабырын тонатқан.
Қолмен емес, осы көзбен арбасып,
Біреулер жүр бір-біріне оқ атқан.
Көздер, көздер қысы менен жазы бар,
Сол көздерден біреу күлкі, наз ұғар.
Көз тілімен дүниенің дастаны,
Қотарылып көкірегіме жазылар.
* * *
Кең сарай кейде кеудем бір,
Шығатын небір күй тасып.
Ағылып арман көлдей жыр,
Жанымда жатыр ұйқасып.
Алысқа қадап көзімді,
Өндірмей жолды қалам түк.
Сол сәтте, достым, өзімді,
Алғандай болам жоғалтып.
Талапты тегін кім берген,
Талаппен адам жолды ұтқан.
Қалыспай мынау күндермен,
Жүгіріп келем сондықтан.



Пікірлер (0)

Пікір қалдырыңыз

Бүгіннің біз Шырын мен Фархаты анық

  • 0
  • 0

Бүгіннің біз Шырын мен Фархаты анық,
Шерімізді іштегі тарқаталық,
Қолыма күн қондырып, айдан сырға,
Жұлдыздардан мойныма алқа тағып.

Толық

Кеудеме сыйған сезім ағыны әрең

  • 0
  • 0

Кеудеме сыйған сезім ағыны әрең,
(Ағысты өтіп кетсе сағынар ем).
Ұмытып кеткен қара көздеріңе
Кездестім ойда жоқта тағы да мен...

Толық

Анаң сенің болады қатал қашан

  • 0
  • 0

Анаң сенің болады қатал қашан,
Ант берерсің күніне Отанға сан.
Мазам кетіп бір түрлі алаңдаймын,
Аптасына бір рет хат алмасам.

Толық

Қарап көріңіз

Басқа да жазбалар