Өлең, жыр, ақындар

Бір құрлық бар түспеген қартаға әлі

  • 30.03.2018
  • 0
  • 0
  • 4131
Бір құрлық бар түспеген қартаға әлі,
сыйғызардай төсіне сан қаланы.
Ғалымдар да білмейді оны әзірше,
тек арнайы іздеген жан табады.
Кездеспейді мұнда ешкім қақпан құрған,
елдері бар бір-бірін мақтан қылған.
Сәуле құйып бәріне бір шаңырақ,
бір босаға сапарға аттандырған.
Енгендейсің ғажайып ән еліне,
жоқ саясат, топтардың әлегі де.
Мұндағы елдер ешқашан қол сұқпайды
бір-бірінің ішкі істер әлеміне.
Шақырғандай ертеңге арман аппақ,
әз ұяның үрейсіз таңдары атпақ.
Үлкен-кіші бір-бірін аялайды
шұлғымай-ақ бас изеп, жалбалақтап.
Берген маған сол құрлық алыс бағдар,
бұл – біздің үй, білетін таныс жандар.
Елдер – патша көңілді, арыстан жал
сол үйдегі ірі-ұсақ данышпандар.



Пікірлер (0)

Пікір қалдырыңыз

Көгершін

  • 0
  • 0

Көшедегі халық тәмәм
аспан жаққа қарасады:
көгершіндер қалықтаған
көк жүзінде жарасады.

Толық

Туған ел

  • 0
  • 0

Аймалайды өпкен желі,
нұрға оранып көк пен жері.
Бала сағым бұлдырайды,
гүлмен ойнап бөктердегі.

Толық

Әділетсіздік

  • 0
  • 0

Білген адам өзінің кім екенін
сезе алады жанымен басқаны да:
әділетсіз тірліктің жүдетерін,
дақ саларын қасқиған тасқа мына.

Толық

Қарап көріңіз

Басқа да жазбалар

Пікірлер