Өлең, жыр, ақындар

Қоңырқайлау өтуде күз кештері

  • 30.03.2018
  • 0
  • 1
  • 9718
Қоңырқайлау өтуде күз кештері,
дос дегендер қанша күн жүздеспеді;
шарттылықты немесе шақыруды
былай қойып, келмейді іздеп сені.
Жарқыл қағып келетін жандар бұрын
қарсы алуға асығып таңдар нұрын,
сағынысып келмейді, ант еткендей
өткізуге көрмей-ақ қалған күнін.
Бітті ме әлде ақтарар сырлар құрып,
осы жайлар әйтеуір жүр жанды үгіп.
Достар қайда әнімен, әзілімен
отыратын үйіңді думан қылып.
Ұмытқандай адамдар сағынуды
өз-өзінен шаршаулы, жабығулы.
Бір-біріне самарқау, енжар бәрі,
қайда кеткен жас шақтың бағы нулы?
Емес пе еді жұптасу адам әні,
осыншалық не бізді даралады?
Бір-біріне бас сұқпай көршілер де
қорадағы қозыдай қамалады.
Жалыққанмен ортадан сыртта күлген,
құтқармайды ол (одан да құпта бірден),
сен қаншама үйіңді қорған қылып
ошағыңның басында бұққаныңмен.



Пікірлер (1)

айзере

күз суреті керек еді

Пікір қалдырыңыз

Зейнеткердің сөзі

  • 0
  • 0

Келдім тағы. Келіп ем бұрындар да –
бұл заманда бастықсыз күнің бар ма?
Салмағы соған түскендей жер, халқының,
кердеңдейді күзетші жын ұрған ба?

Толық

Ғарышкер ағалар

  • 0
  • 1

Көк аспанға қараймын,
жұлдыздарды санаймын.
Осынша көп моншақты
төгіп кеткен қалай кім?

Толық

Ауыл

  • 0
  • 0

Біздің ауыл ұя еді киелі бір,
теңіз бойы, бұйратты жиегі қыр.
Өнегелі ұл менен қыз өсіріп,
шаңырағына құт қонған үй еді кіл.

Толық