Шүкір ет пендем барыңа – Гулназ Кабулова

Біріміз алыс, біріміз жақын жүрсек те,
Сағынамыз сәл көрмесек көрсек те.
Шектеусіз уақыт тоқтамай жылжып жатады,
Жастық шақ кетіп, кәрілік келсе құрметте.
Сол үшін пендем бағалай біл бақытты,
Өткінші өмір қайтармайды уақытты.
Алланың берген ризығы үшін шүкір ет,
Береді Алла сол кезде ғана нәсіпті.
Сылдырап ағып, мөлдіреп тұрған бұлақтай,
Кіршіксіз көңіл, береді көмек сұратпай.
Пейілің кең, жүрегің жомарт болса егер,
Бақ пенен байлық келеді бізге бармақтай.
Қуаныш, шаттық, сыйластық болса өмірде,
Бар жақсыны сіңіріп бойға көңілге.
Күпірлік қылмай, шүкірлік етсең бәріне,
Береді Алла жасың менен кәріңе.