Өлең, жыр, ақындар

Қар жауып тұр қалада

  • 23.08.2018
  • 0
  • 1
  • 6970
Қар жауып тұр қалада баяғыдай,
Адамдарды бақытты ет, ая, құдай."-
Туған жерге аспаннан суық гүлдер
Түсіп жатыр қанатын жая құлай.
Қай кезде де қазақтың даласы кең,
Біреу — бақыт, біреулер — жарасына ем,
Іздей ме екен, адамдар бара жатыр
Аппақ-аппақ қарлардың арасымен.
Біреулер жүр тазалап күрекпенен,
Аппақ сезім толтырар жүрекке өлең.
Іздегенін адамдар тапса екен деп
Таза қардың, үстінде тілеп келем.
Көптен осы қаланы қар басқаны,
Алатаудың айбарлы қарлы асқары.
Аппақ, аппақ, аппақ қар себелейді,
Үлпілдейді түбіттей тал бастары.
Тал бастары... Өнгелі не көрмеген,
Мезгіл жетпей жазғандар көгермеген.
Жас суретші қарайды тұра қалып,
Таласа алмай табиғат шеберменен.
Мекендемей шатырдың үстін, кептер тығылыпты.
Сұп-суық ұшқын лептер.
Сессияның кезі бұл, бұрынғыдан
Ширағырақ басады студенттер.
Қысқы ауаның тиеді сызы бетке,
Біреу — тойдан,
Біреулер — қызметтен
Шыққан шығар.
Қар жабады жаңағы ізін өткен.
Қар жауған шақ.
Мезгіл ғой шапағатты ең,
Торғайлардың тоңғаны батады әттең.
Сұп-суық қар ішінен Алматыма
Қараймын мен ып-ыстық махаббатпен.



Пікірлер (1)

Азрет Айғаным

Күшті екен

Пікір қалдырыңыз

Табиғат даусы

  • 0
  • 1

Дауыстар:
Сыңғырлы,
Сүйкімді.
Дауыстар:

Толық

Менің музыкам

  • 0
  • 0

Жақсы әндер —
Жалғандағы жан құмары,
Жай даусым
Әнге салсам, қарлығады.

Толық

Аяулы шағым — жастығым

  • 0
  • 0

Аяулы шағым — жастығым!
Жартасқа шыққан ақ гүлім.
Байлауға келмес тасқыным,
Басылмай жүрген аптығым.

Толық

Қарап көріңіз