Өлең, жыр, ақындар

Ант

  • 31.08.2018
  • 0
  • 1
  • 7474
Елбасы:
Тәуекел дедім!
Ант еттім
Тәуелді болып көнбеске.
Құбылаға басты берсем де,
Құлдыққа елді бермеске!
Қандастарымның марқасқа
Сарсаңға басын салмасқа,
Түбегейлі де тұтас боп,
Тұтқанда, қапы қалмасқа!
Кіруге қалың кеңеске —
Кеңессем, тұрар ел есте.
Қарғамау үшін бізді ертең
Бүгінгі туған нәресте!
Жылынып едім шуақтан,
Су ішіп едім бұлақтан.
Бұлақтарымды кірлетпен,
Бұрымдыларымды жылатпан!
Даланың беті — құлпытас,
Құлыншақ тумай, үміт пәс.
Құлдықта көрген қорлығын
Өр рухтылар ұмытпас!
Жәрдем бер, бізге, аспан — көк!
Армандап едім жастан көп —
Азапкер болған халқымды
Айбарлыларға қоссам деп!
Арманға жетер талапты Ер,
Жақсылық берсең, қабат бер.
Сәулетсіз болса — бізге серт,
Ақ бидай өскен абат жер!
Мен биіктерден сөз алсам,
Игіліктермен оза алсам,
Толтырмас арғымақтарымның
Тостаған көзін тозаң шаң!
Омырауы уыз ананың
Алмасам деп ем қарғысын,
Бөрілі байрақ бабаның
Жалғасам деп ем арлы ісін.
Қолымды созсам,
Бірлікпен
Қолдайтын халқым бармысың?!



Пікірлер (1)

Али

Керемет

Пікір қалдырыңыз

Күй

  • 0
  • 0

Жалғаннан мынау безінген,
ботасы өлген боз інген,
сүт ағызбай емшектен,
қан ағыздың көзіңнен.

Толық

Келісімдер

  • 0
  • 1

Қызығына Күн ие
Таза еді неткен таңдағы ән?
Күрделі, дархан дүние,
Нәзіктігіңе таңданам.

Толық

Сағыныш туралы жыр

  • 0
  • 0

Іздейді адам бақытын, аңсағанын,
Зарығу бар үздіккен үнді әнінде.
Жапырақтар да сағынып таң самалын,
Бөленетін сияқты мұңға күнде.

Толық

Қарап көріңіз