Өлең, жыр, ақындар

Әлдекімді күте берем қашықтан

  • 05.09.2018
  • 0
  • 0
  • 2004
Әлдекімді күте берем қашықтан,
Жүректе жыр, тұла бойда қатып қан.
Құндылығы құрып кеткен өмірім,
Көңілімнің көрі азап, төрі мұң.
Өлгім келіп жылап жатам жасып тән,
Ақбаладай ақыретке асыққан.
Боздақ келіп боздамасын басымда,
Армандап ем оны өлердей жасымнан.
Қара өлеңнің арнасам да қаншасын,
Таң қалдырып тәмам жұрттың баршасын
Сүйсе дағы таңдамады ол мені,
Жарты түндер.
Мендік тағдыр сол ма еді?
Түнгі бақыт,
Күндіз қайғы секілді
Аллалаған тіл дұғаға бекінді.
Жынды қылған жұмыр жерде жақын жоқ,
Жалғыз қалдым өлеңі арзан ақын боп,
Сүймеуге күш,
Ал сүюге хақым жоқ!
Жалын едім,
Жанушы едім от болып,
Енді қалай тез кетемін жоқ болып?
Айырмам жоқ жігері құм жасықтан,
Күлкім кеуіп, гүл жүзімнен қашып сән,
Сенім сөніп, арман қалды айлақта.
Тілек болып бақ құшармын қай уақта?
Әлдекімді қанша күтем қашықтан?



Пікірлер (0)

Пікір қалдырыңыз

Ең сүйікті адамым

  • 0
  • 0

Жұбанбаймын, сені де жұбатпаймын,
Көздеріңнен көз алмай тесілемін.
Жалындыру дегенді ұнатпаймын,
Кешір десең, бәрін де кешіремін.

Толық

Қазақстан

  • 0
  • 0

Мынау жалпақ жердегі,
Менің жұмақ мекенім.
Тағдыр оның ермегі,
Болашағы жеке мұң.

Толық

Хош!

  • 0
  • 0

Хош!
Сезім жоқ менде
Дос төзімге кенде.
Сүйіп те, күйіп те болдым.

Толық

Қарап көріңіз